- الرئيسية
- مواقع تعريفية
تصميم مواقع تعريفية باسمك ودومينك
موقع تعريفي يعرض نشاطك وخدماتك وأعمالك، مصمّم على هويتك، ومضبوط على الجوال، ويوصل عميلك لك على الواتساب بضغطة. نصممه ونبرمجه ونسلّمه لك مفحوص أمنياً وجاهز يطلع في قوقل.
- السعر حسب طلبك
- التسليم من أسبوع إلى أسبوعين
- نخدم كل مدن السعودية عن بعد
وش هو الموقع التعريفي، ومين يحتاجه؟
الموقع التعريفي هو واجهة نشاطك على الإنترنت: صفحة أو مجموعة صفحات تعرّف بك، وتشرح خدماتك، وتعرض أعمالك، وتسهّل على العميل إنه يتواصل معك. هو أول شي يشوفه العميل لما يبحث عنك في قوقل أو يوصله رابطك من الواتساب أو الإنستقرام، وهو اللي يعطيه الثقة إنك نشاط حقيقي ومرتّب.
نصمم المواقع التعريفية للشركات الصغيرة والمتوسطة، والمصورين، وقاعات الأفراح، ومنظمي المناسبات، والمستقلين، وأي صاحب مشروع يبي يكون له حضور واضح باسمه بدل ما يعتمد على حسابات التواصل الاجتماعي بس. حسابات التواصل مهمة، لكنها مو ملكك، وما تطلع في بحث قوقل مثل موقعك الخاص.
وش يشمل تصميم موقعك التعريفي؟
تصميم على هويتك
ما نستخدم قوالب مكررة. نبني الموقع على ألوانك وشعارك وطبيعة نشاطك، ونرسل لك تصميم أولي توافق عليه قبل البرمجة، مع جولتين تعديل.
مضبوط على الجوال
أغلب عملائك يفتحون من الجوال، فنصمم له أولاً ونجرّب الموقع على جوالات ومتصفحات مختلفة قبل التسليم.
دومينك وباسمك
ننشر الموقع على دومينك الخاص، فيصير رابطك سهل تحفظه وتشاركه، ويعطي عملاءك ثقة أكثر.
تواصل مباشر
زر واتساب ونموذج طلب في الأقسام المهمة، والعميل يرسل لك طلبه برسالة جاهزة بدون ما يدور على رقمك.
جاهز لقوقل
نجهز العناوين والأوصاف وخريطة الموقع، ونسجّل موقعك في Google Search Console عشان يبدأ يطلع في البحث.
فحص أمني أساسي
كل موقع يمر بفحص أمني قبل التسليم يشمل شهادة SSL، والهيدرز الأمنية، وفحص الثغرات الشائعة.
كم سعر تصميم الموقع التعريفي؟
السعر يختلف حسب حجم موقعك والمميزات اللي تحتاجها، وتدفعه مرة وحدة. نفهم مشروعك أول، ونعطيك عرض سعر واضح قبل ما نبدأ، والاستشارة مجاناً.
وش اللي يحدد سعر موقعك؟
- عدد الصفحات والأقسام اللي تحتاجها.
- كمية الأعمال والصور اللي تبي تعرضها.
- المميزات الإضافية اللي تحتاجها في موقعك، مثل نماذج الطلب أو صفحة مستقلة لكل خدمة.
السعر حسب طلبك، اطلب عرض سعر مجاني
اطلب عرض سعر مجانيالمتابعة بعد التسليم (اختياري)
بعد ما نسلّمك الموقع، تقدر تشترك في المتابعة الشهرية عشان نهتم بالاستضافة والتعديلات بدالك:
الأساسي
استضافة، وتعديلين بسيطة بالشهر، ومتابعة الموقع.
المميّز
استضافة، وتعديلات أكثر، وإضافة أقسام وأعمال جديدة.
سعر الاشتراك حسب طلبك، اطلب عرض سعر مجاني.
كم ياخذ تصميم الموقع؟ وكيف نشتغل؟
الموقع التعريفي ياخذ عادةً من أسبوع إلى أسبوعين. المدة تبدأ بعد ما يوصلنا المحتوى والصور منك، مثل النصوص والشعار وصور أعمالك.
- نفهم فكرتك: نسمع عن نشاطك وأهدافك وجمهورك، ونحدد الصفحات اللي تحتاجها، ونعطيك عرض سعر ومدة واضحة.
- نصمم الواجهة: نرسل لك تصميم أولي على هويتك، وتعدّل عليه جولتين لين يطلع مثل ما تبي.
- نبرمج الموقع: نحوّل التصميم لموقع شغّال، ونربط الواتساب ونماذج الطلب، ونجهزه لقوقل.
- نختبر ونفحص: نجرّبه على الجوالات والكمبيوترات، ونسوي الفحص الأمني، ونتأكد من السرعة.
- نطلقه: ننشره على دومينك، ونسجّله في قوقل، ونبقى معك على الواتساب لو احتجت شي.
من أعمالنا
موقع المصوّر فيصل العايضي: موقع من 8 صفحات، فيه سبعة أقسام للخدمات، وكل قسم له صفحة أعمال بالصور والفيديو. زُر الموقع.
وموقعنا نفسه اللي تتصفحه الحين حاصل على تقييم A+ في فحص Mozilla Observatory الأمني.