- الرئيسية
- تطبيقات الجوال
تصميم تطبيقات جوال باسمك
نصمم ونبرمج تطبيقك على آيفون وأندرويد، من الفكرة لين ينزل في App Store وGoogle Play: حسابات وحجز ودفع داخل التطبيق، ولوحة تحكم تدير منها كل شي، وتنبيهات لو صار أي عطل.
- السعر حسب طلبك
- المدة من شهرين إلى 4 شهور
- آيفون وأندرويد
هل تحتاج تطبيق ولا موقع يكفي؟
مو كل مشروع يحتاج تطبيق. إذا هدفك إن العميل يتعرف عليك ويتواصل معك أو يحجز مرة وحدة، فغالباً موقع تعريفي أو موقع حجز ودفع يكفيك ويوفر عليك.
التطبيق يكون الخيار الصح لما عملاءك يرجعون له باستمرار: يحجزون أكثر من مرة، أو يتابعون طلباتهم، أو يحتاجون حساب خاص فيهم، أو تبي توصلهم تنبيهات مباشرة على جوالاتهم. ونجلس معك في البداية ونكون صريحين: إذا شفنا إن موقع يكفيك، بنقول لك.
مين يناسبه تطبيق جوال؟
التطبيق يفيد المشاريع اللي علاقتها مع العميل مستمرة، مثل:
- الخدمات بالحجز المتكرر: مثل الصالونات والعيادات والمدربين، والعميل يحجز موعده كل مرة من جواله.
- الطلبات والتوصيل: العميل يطلب ويتابع حالة طلبه، وأنت تستقبل الطلبات من لوحة التحكم.
- المنصات اللي فيها أكثر من طرف: مثل منصة تجمع مزوّدي خدمة مع عملاء، ولكل طرف حسابه وشاشاته.
- العضويات والاشتراكات: للمستخدم حساب فيه بياناته واشتراكه وسجل تعاملاته.
إذا فكرتك مو من هذي، عادي، اكتب لنا عنها ونقول لك بصراحة وش الأنسب لها.
وش يشمل تطبيقك؟
آيفون وأندرويد
تطبيقك يشتغل على آيفون وأندرويد، وننشره لك على App Store وGoogle Play باسمك.
حسابات ودفع وحجز
تسجيل دخول للمستخدمين، وحجز ودفع داخل التطبيق عبر بوابة الدفع اللي تختارها.
لوحة تحكم
تدير منها المحتوى والطلبات والمستخدمين بدون ما تحتاج مبرمج لكل تعديل.
تنبيهات الأعطال
مراقبة للتطبيق وتنبيهات لو صار أي عطل، عشان ننتبه للمشكلة قبل عملاءك.
كم سعر تصميم التطبيق؟
السعر يختلف حسب حجم التطبيق وعدد المميزات وعدد الأطراف اللي يستخدمونه: تطبيق أساسي لنشاط واحد، أو تطبيق متقدم فيه حسابات ودفع وحجز، أو منصة متعددة الأطراف. نفهم فكرتك ونعطيك عرض سعر واضح قبل ما نبدأ.
السعر حسب طلبك، اطلب عرض سعر مجاني
اطلب عرض سعر مجانيالأمان والصيانة بعد الإطلاق
- فحص أمني مستقل قبل الإطلاق: التطبيقات المتقدمة ياخذ لها تقرير فحص أمني مستقل من فاحص أمني متخصص قبل ما تنزل للناس.
- صيانة شهرية للتطبيقات (السعر حسب طلبك): وتشمل تحديثات iOS وAndroid، وإصلاح الأعطال، ومراقبة التطبيق.
أنظمة آيفون وأندرويد تتحدث كل سنة، والتطبيق اللي ما يتحدث ممكن يتعطل أو ينشال من المتجر، عشان كذا الصيانة مهمة لأي تطبيق.
وش نحتاج منك عشان نبدأ؟
ما تحتاج تكون تقني. يكفي تكتب لنا:
- فكرة التطبيق باختصار، ووش المشكلة اللي يحلها لعملاءك.
- مين بيستخدمه: عملاء بس، ولا عملاء ومزوّدين وإدارة.
- أهم المميزات اللي تبيها في أول نسخة.
- تطبيقات تعجبك وتبي شي قريب منها، إذا عندك.
- شعارك وألوانك، أو نساعدك تختارها.
ومن هنا نرتب معك أول نسخة من التطبيق بالمميزات المهمة، وبعدها تقدر تضيف عليه مع الوقت.
كم ياخذ التطبيق؟
التطبيق ياخذ عادةً من شهرين إلى 4 شهور حسب حجمه. المدة تبدأ بعد ما يوصلنا المحتوى والصور منك.
- نفهم الفكرة: نحدد المستخدمين والمميزات اللي يحتاجها التطبيق فعلاً، ونعطيك عرض سعر ومدة واضحة.
- نصمم الشاشات: تصميم كل شاشات التطبيق تشوفه وتوافق عليه قبل البرمجة.
- نبرمج: التطبيق ولوحة التحكم، وربط الدفع والحجز والتنبيهات.
- نختبر: تجربة على أجهزة آيفون وأندرويد، والفحص الأمني المستقل للتطبيقات المتقدمة.
- ننشر ونتابع: ننشره على App Store وGoogle Play، ونتابعه ضمن الصيانة الشهرية.